Concibimos as escolas infantís Afundación como centros de educación infantil nos que, desde o respecto aos nenos e nenas e nun ambiente de afecto e confianza, potenciamos, asistimos, favorecemos, acompañamos e estimulamos a riqueza de posibilidades que cada nena e neno ten, coa participación fundamental da familia.
A Escola Infantil Zalaeta dispón de 85 prazas e é froito dun convenio de colaboración entre o Concello da Coruña e Afundación.
Todo o persoal que atende os nenos/as é especialista en Educación Infantil e posúe titulación superior.
* Escola infantil gratuíta.
Requisitos de acceso
Admítense nenos e nenas a partir de 5 meses.
Duración do curso
Principios de setembro a finais de xullo.
Prazo de inscrición curso 2025 -2026.
- Impreso de solicitude e unha fotocopia do mesmo
- Certificado de vida laboral
- Certificado de empresa
Presentaranse todos os documentos na sede da Escola Infantil de Zalaeta.
Características
A Escola Infantil Zalaeta ocupa unha superficie de máis de 1.000 m2 e inclúe unha parcela ao aire libre con zona de xogos.
- Semisoto: comedor, cociña, despensa, lavandaría e sala de usos múltiples
- Planta baixa: patio cuberto, sala de espera, dirección, baño para o persoal do centro, unha aula
- Entreplanta: aulas e servizos
- Primeira planta: aulas, servizos, terraza e gabinete do médico
Todas as aulas están organizadas por recunchos ou obradoiros con mesas e cadeiras adaptadas ás idades dos escolares e co material preciso para cada espazo, así como xogos de construción, manipulación, encaixes, ensarte etc. e outros materiais para que os nenos desenvolvan a súa creatividade e psicomotricidade.
O patio cuberto dispón de tobogáns e casiñas de material especial para nenos pequenos. Ten un amplo parque móbil: triciclos, bicicletas, motos, coches e algún patinete.
O patio exterior está recuberto dun material antigolpes especial e ten unha casiña con tobogán e un balancín de madeira, xogos homologados e adaptados aos máis pequenos.
Servizos
- Servizo de comedor e merenda con cociña propia
- Actividades complementarias
- Música
- Psicomotricidade
- Actividades extraescolares
- Expresión corporal e danza clásica (despois do horario escolar)
- Expresión plástica: desenvolvemos a nosa creatividade (despois do horario escolar)
- Inglés impartido por Kids & Us (despois do horario escolar)
- Cheques empresa: gourmet, sodexo, edenred…