Repoboación de montes

Repoboación de montes

O «Plan de acción contra incendios forestais» de Afundación xorde como resposta aos lumes ocasionados cada verán en Galicia. En consulta activa cos principais grupos de interese —administracións públicas de distintos niveis, asociacións veciñais, empresariado, organizacións profesionais, asociacións e sindicatos agrarios, brigadas antiincendios, mancomunidades e comunidades de montes—, poñemos en marcha un programa con campañas de concienciación, tarefas de prevención e traballos de recuperación para os que contamos coa asesoría de técnicos/as e un crecente e implicado voluntariado.

As actuacións de monitorización céntranse principalmente na protección de acuíferos e solos, co obxectivo de previr a erosión a través de técnicas como o mulching ou acolchado con palla en zonas queimadas e sen cobertura vexetal. No ámbito da restauración, realízanse actuacións de voluntariado en distintos enclaves, reforzando o carácter comunitario e solidario do proxecto..